• URDU
  • ENGLISH
  • Contact Us
  • Others
Khalid Institute of Occult Sciences

الواح اپائو رجعت و نحوست ہیں کیا؟

                بعض اوقات پیدائشی زائچہ میں سیارگان کی رجعت اور نحوست فرد پر اس طور اثر انداز ہوتی ہے کہ اس کی تمام صلاحیتیں بے کار ثابت ہوتی ہیں۔ وہ جو بھی کوشش اور محنت کرتا ہے بے مقصد ثابت ہوتی ہے۔ ذیل میں مختلف کواکب کی رجعت یا نحوست سے پیدا ہونے والے اُمور کا بیان ہے۔ ان تفصیلات کو پڑھنے کے بعد آپ کو خود بھی اندازہ ہو جائے گا کہ آپ کے زائچہ میں موجود کواکب کس طرح آپ پر اثر انداز ہو رہے ہیں۔ الواح رد رجعت و نحوست کی تیاری کا طریقہ اور اوقات اس حوالے سے نسبتاً فرق ہے کہ اِن الواح کی تیاری کے لیے علم النجوم میں مکمل مہارت یعنی زائچہ سازی میں مہارت سے بڑھ کر زائچہ کو مکمل طور پر سمجھنا اور اس سے بڑھ کر کواکبی حالت سے اخذ ہونے والے احکام کو سمجھنا از حد اہم ہے۔ اِسی طور متعلقہ ساعت، نظرات کواکب او ر عملیاتی امور کی مکمل سمجھ بھی ضروری ہے۔ یہ کہنا درست ہو گا کہ اس قسم کے عملیاتی و روحانی کام میں شرف کواکب کے اعمال سے زیادہ توجہ درکار ہوتی ہے۔ کیونکہ یہاں صرف کسی خاص وقت سے فائدہ اٹھانے کی بات نہیں بلکہ زائچہ میں ایک خاص ناقص حالت کے حل کا معاملہ درپیش ہے جو از درجہ قابل توجہ اور اہمیت کا حامل ہے۔ تکنیکی جواب کے لیے آپ ادارہ سے بھی رابطہ کر سکتے ہیں اور جان سکتے ہیں کہ آپ کے زائچے میں کون سے کواکب رجعت یا نحوست کا شکار ہیں۔ اس سلسلے میں مزید تفصیل زائچہ جات کے عنوان کے تحت دی گئی ہے۔